اسلام آباد۔4جولائی (اے پی پی) دفتر خارجہ دی ترجمان ممتاز زہرہ بلوچ آکھیے پاکستان گزریل سال(2023)جیلاں اچ قید 485 بھارتی شہریاں کوں رہا کیتے جنہاں اچوں 6 سول قیدی اتے 479 ماہی گیر شامل ہن ، اساں ب??ارتی جیلاں اچ قید سارے پاکستانی قیدیاں دی و??تی واپسی یقینی بݨاوݨ سانڳے وی کوششاں جاری رکھیسوں ۔ پریس بریفنگ اچ انہاں آکھیے پاکستان تے بھارت یکم جولائی 2024 کوں 2008 دے قونصلر رسائی دے معاہدے دے تحت ھک ݙوجھے دی تحویل اچ قیدیاں دی فہرستاں دا تبادلہ کیتے۔ انہاں ݙسائے پاکستان جیلاں اچ قید 254 بھارتی شہری قیدیاں اتے ماہی گیراں دی فہرست حوالے کیتی جݙاں جو بھارت اپݨی جیلاں اچ قید 452 پاکستانی شہری قیدیاں تے ماہی گیراں دی فہرست شیئر کیتی۔ پاکستان دی طرفوں لاپتہ 38 پاکستانی دفاعی اہلکاراں دی فہرست وی بھارت کوں ݙتی ڳئی جنہاں بارے خیال اے جو او 1965 اتے1971 دی جنگاں توں ب??ارت دی تحویل وچ ہ?? ۔ ترجمان آکھیے پاکستان ان انسانی مسئلیں کوں ترجیحی طور تے حل کرݨ سانڳے پرعزم ??ے اتے اساں ب??ارتی جیلاں اچ قید سارے پاکستانی قیدیاں دی و??تی واپسی یقینی بݨاوݨ سانڳے کوششاں جاری رکھیسوں انہاں کوششاں دے ھک حصے دے طور تے 2023 اچ 62 اتے2024 اچ 4 پاکستانی قیدیاں دی وطن واپسی تھئی۔
