اسلام آباد۔21جون (اے پی پی):پاکستان سعودی عرب دے جنوبی علاقے اچ حوثی باغیاں ولوں اڄوکے حملیں دی شدید مذمت کیتی اے اتے آکھیے جو اتحادی فوج ولوں حملے کوں روکݨ تے دھماکہ خیز مواد نال لیس ڈرونز دی تباہی قابل تعریف اے۔سنوار کوں ترجمان دفتر خارجہ حوثی باغیاں ولوں حملے دی مذمت کریندے ہوئیں آکھیے جو انہاں حملیں توں سعودی مملکت دی علاقائی سالمیت دی خلاف ورزی دے علاوہ بے گناہ لوکاں دی جان کوں وی خطرہ اے ۔ پاکستان ایجھے حملیں کوں وختی بند کرݨ دا مطالبہ کریندے ۔ترجمان آکھیے جو پاکستان سلامتی اتے علاقائی سالمیت کوں لاحق خطرات دے خلاف برادر مملکت سعودی عرب دے رلے آپݨی مکمل حمایت اتے یکجہتی دا اعادہ کریندے۔
