لاہور۔1جون (اے پی پی):وزیر اعلیٰ پنجاب مریم نواز دی صدارت اچ خصوصی اجلاس تھئے صوبے اچ امن و امان دی صورتحال دا جائزہ ڳھدا ڳئے۔ اجلاس اچ آئی جی پنجاب امن و امان دی مجموعی صورتحال اتے پولیس دی کارکردگی بارے بریفنگ ݙتی۔ وزیراعلیٰ آکھیے 13کروڑ عوام کوں جوابدہ ہاں،پولیس کرائم کنٹرول کرے، حقائق توں اکھیں بند نی کیتیاں ونڄ سڳدیاں ، پنجاب اچ کہیں جاہ تے وی نو گو ایریا برداشت کائنی، صوبے اچ کرائم ریٹ کوں ہر صورت تلے گھن آوݨا ہوسی ، جرائم زیادہ ہوسن تاں عوام حکومت دی ریفارمز وڈویلپمنٹ بھل ویندی اے۔ مریم نواز آکھیے پولیس قربانی وی ݙیندی پئی اے مگر کالیاں بھیݙاں وی موجود ہن ، پولیس دے ںال ہاں، یونیفارم پا تے اظہار یکجہتی کیتے،پولیس کوں پورے وسائل ݙیندے پیوں جݙاں جو کارکردگی نہ گھٹے ،کرپشن مکاوݨ سانڳے پولیس اچ کارکردگی دے تجزیے اتےجانچ دا نظام گھن آندے پیوں انہاں آکھیے بین الصوبائی سمگلنگ روکݨ سانڳے 14خصوصی چیک پوسٹاں بݨائیاں ویندیاں پئن ،گاݙیاں، آلات، اسلحہ، ٹریننگ اتے پولیس دی ہر ڈیمانڈ پوری کریندے پیوں ،چیک پوسٹ تے کھڑے ہر پولیس اہلکار دی حفاظت یقینی بݨاوݨ ذمے واری اے۔ انہاں آکھیے 10 لوکاں دے ہجوم توں بچاوݨ تے بحفاظت کڈھݨ تے آئی جی،آر پی اوسرگودھا تے ڈی پی او دی تعریف کریندی ہاں
.jpg)
