اسلام آباد۔28اکتوبر(اے پی پی) وفاقی وزیر تجارت جام کمال خان آکھیے پاکستان کوں علاقائی ٹرانس شپمنٹ مرکز بݨاوݨ سانڳے مضبوط شپنگ انڈسٹری دی لوڑھ اے، پاکستان دا شپ بریکنگ سیکٹر عالمی تجارت سانڳے فیدہ مند ثابت تھی سڳدے ۔ اے ڳالھ انھاں آپݨے دفتر اچ وائس ایڈمرل احمد سعید کوں ملاقات اچ آکھی اے ۔ وفاقی وزیر تجارت آکھیے شپنگ سیکٹر دی ترقی توں 70 توں ودھ ٻئے شعبے مستفید تھیسن۔ انہاں آکھیے پاکستان دا شپ بریکنگ سیکٹر عالمی تجارت سانڳے فیدہ مند ثابت تھی سڳدے ،حکومت شپنگ سیکٹر دی ترقی اچ مدد سانڳے پرعزم اے۔ ملاقات اچ وائس ایڈمرل احمد سعید آکھیے پاکستان دا جغرافیائی محل وقوع شپنگ ہب بݨݨ سانڳے مثالی اے۔ انہاں آکھیے شپنگ کوں باقاعدہ صنعت دا درجہ ݙیوݨ ضروری اے
