راولپنڈی۔22جون (اے پی پی):وزیراعظم محمد شہباز شریف شہداء دی عظیم قربانیاں تے انہاں کوں خراج عقیدت پیش کریندے ہوئیں آکھیے جو افواج پاکستان ملک دے تحفظ سانڳے ہمیشہ بے مثال قربانیاں ݙتن، ہارون ولیم وطن دی خاطر اپݨی جان دا نذرانہ پیش کیتا، انھاں دی قربانی کوں ہمیشہ یاد رکھیا ویسی ، پوری قوم اقلیتی برادری دی قربانیاں کوں قدر دی نگاہ نال ݙیکھدی اےاساں سارے رل تے ملک کوں ھک حقیقی فلاحی ریاست بݨیسوں ملک اچ مہذب نظام، تحمل، برداشت، رواداری اتے بھرپی کوں ودھارا ݙیوݨ دی لوڑھ اے ۔ اے ڳالھ انہاں سینٹ ہالز چرچ اچ پاک فوج دے شہید سپاہی ہارون ولیم دی آخری رسومات دے موقع تے آکھی اے ۔ وزیراعظم ہارون ولیم دے گھر آلیں نال تعزیت کریندے ہوئیں آکھیے گزریل ݙینھ خیبر پختونخوا اچ آئی ای ڈی حملہ اچ شہید تھیوݨ آلیں ملک سانڳے خون دا نذرانہ پیش کیتے۔ انہاں آکھیے پاکستان دی تاریخ انھاں قربانیاں نال بھری پئی اے تے عصر حاضر اچ ایندی مثال نی ملدی ۔ انہاں آکھیے کل دے افسوسناک واقعہ دے نتیجے اچ ہارون ولیم اپݨے وطن سانڳے خون دا نذرانہ پیش کیتے۔ انہاں آکھیے حکومت، مسلح افواج اتے پوری قوم قربانی ݙیوݨ آلے سپوتاں کوں خراج تحسین پیش کریندی اے تے انہاں دی اے ضائع نہ ویسی۔ وزیراعظم آکھیے پاسٹر سیموئیل وݙی مدلل اتے دلاں کوں گرما ݙیوݨ آلی ڳالھ مہاڑ کیتی تے کجھ دلخراش واقعات کوں لطیف پیرائے اچ پیش کیتے۔ وزیراعظم آکھیے اے ملک خداداد پاکستان عظیم قربانیاں دے نتیجے اچ معرض وجود اچ آیا ہئی، بھارت توں لکھاں نی کروڑاں لوکاں ہجرت کیتی رستے اچ قربانیاں ݙتیاں ۔ قائد اعظم دی عظیم قیادت اچ اے ملک معرض وجود اچ آیا۔ انہاں آکھیے 11 اگست دے خطاب اچ قائد اعظم واضح الفاظ اچ فرمایا جو اے ملک پاکستان اچ آئین و قانون دی حکمرانی ہوسی، سارے لوکاں کوں آئین و قانون دے مطابق زندگی گزارݨ دے برابر دے حقوق ملسن ۔
