اسلام آباد۔6فروری(اے پی پی)وزیراعظم محمد شہبازشریف ترکیہ دے صدر رجب طیب اردوان کوں ٹیلی فون کرتے زلزلے نال تھیوݨ آلی تے افسوس کیتے۔ وزیراعظم آکھیا جو میں زلزلے نال قیمتی جاناں دے ضیان تے ݙکھی ہاں تے غمزدہ ٹٻراں نال ہمدردی ݙینداں تے انہاں کوں پرچینداں۔ انہاں آکھیا جو ایںا وکھے ویلھے پاکستان اپݨے ٻھرا ترکیہ اتے ایندے عوام دے نال اے، زلزلے دی تباہی نال نمٹݨ کیتے پاکستان ترکیہ دی حکومت اتے عوام دے نال پورا ہتھ ونݙیسی۔ وزیراعظم آکھیا جو موسمیاتی تبدیلیاں دی تباہی دی شدت ودھدی پعی اے، قدرتی آفات اتے موسمیاتی تباہی کہیں سرحد، خطے اتے مخصوص قوم تئیں محدود نئیں، اللہ مرݨ آلیاں دی مغفرت، ٹٻراں کوں صبر اتے زخمیاں کوں تیکھے صحت یاب کرے۔ ترکیہ دے صدر رجب طیب اردوان ٹیلی فون اتے حمایت کرݨ تے وزیراعظم شہبازشریف دا شکریہ ادا کریندے آکھیے جو او وزیراعظم اتے پاکستانی عوام دے جذبات دی قدر کریندے ہیں۔
