اسلام آباد۔8دسمبر(اے پی پی)وزیراعظم محمد شہباز شریف آکھیے جو سیلاب متاثرین دی بحالی، ولا آباد کاری اتے تعمیرنو حکومت دی اڄوکی ترجیح اے، بے نظیر انکم سپورٹ پروگرام نال 70 ارب روپے شفاف ونݙین، وفاقی و صوبائی حکومتاں، سارے اداریاں اتے مسلح افواج رل تے سیلاب متاثرین دا ہتھ ونݙائے، دوست ملکاں، ٻاہر ملک وسدے پاکستانیاں اتے مخیر حضرات سیلاب متاثرین دے نال تھیون۔ اے ڳالے انہاں ٹانک اتے ڈیرہ اسماعیل خان دے سیلاب متاثرین کیتے ٻݨاعے ونڄݨ آلے رہائشی یونٹس دی افتتاحی تقریب نال خطاب اچ آکھی۔ وزیراعظم آکھیا جو اللہ دی مدد نال سیلاب متاثرین کوں سر دی چھٹ ملدی پئی اے، سیلاب نال آوݨ آلی تباہی نال نمٹݨ کیتے انسانی جذبہ مثالی رہے اتے لوکاں دی ولا بحالی کیتے متعلقہ حکومتاں، اداریاں اتے مسلح افواج دیاں کوششاں قابل تعریف ہین۔ سیلاب نال سندھ، بلوچستان، جنوبی پنجاب اتے کے پی کے اچ تباہی آئی اے جیندے نال نمٹݨ کیتے چارے سوبائی حکومتاں ڳھٹ وسائل دے باوجود وفاق نال رل بہترین کم کیتے، سیلاب متاثرین دی مالی امداد، ریسکیو اتے ریلیف سودھا انفراسٹرکچر دی بحالی ہک چیلنج ہا ٻھل اللہ ساکوں سرخرو کیتے۔
