اسلام آباد۔14جنوری(اے پی پی) وزیراعظم محمد شہباز شریف ، نینگراں کوں ٻاہرلے ملک ملازمت ݙیوݨ سانڳے دوست ملکاں دی مارکیٹ دے تقاضیں موجب لائحہ عمل بݨاوݨ، ٻاہرلے ملک ملازمت ݙیوݨ آلی نقلی تے بغیر لائسنس کم کرݨ آلیاں کمپنیاں دے خلاف اقدامات دی ہدایت کریندے آکھیے اڑان پاکستان منصوبے توں پورے ملک اچ روزگار دے نویں موقع بݨسن ، روزگار دے موقع ودھاوݨ سانڳے نینگرعاں کوں پیشہ وارانہ صلاحیتاں ݙیوݨ ناگزیر اے۔ اے ڳالھ انہاں آپݨی صدارت اچ پرائم منسٹر یوتھ پروگرام دے حوالے نال منعقدہ اجلاس توں خطاب کریندے آکھی ۔ وزیراعظم آفس دے می??یا ونگ توں جاری بیان موجب وزیراعظم آکھیے روزگار دے موقع ودھاوݨ سانڳے نینگراں کوں پیشہ وارانہ صلاحیتاں نال آراستہ کرݨ ناگزیر اے، تکنیکی تے پیشہ وارانہ صلاحیتاں دے ودھارے سانڳے نیوٹیک تے پرائم منسٹر یوتھ سکل ڈویلپمنٹ پروگرام اپݨا کردار ادا کرے۔ انہاں آکھیے حکومت نجی شعبے کوں ودھارا ݙے تے ملک اچ بے روزگاری دا سد باب کرݨ دی پالیسی تے سرگرم عمل اے، پاکستان دا مستقبل آئی ٹی شعبے دی ترقی نال جڑیا ہ??یا اے ۔ وزیراعظم نینگراں کوں ٻاہرلے ملک ملازمت ݙیوݨ سانڳے دوست ملکاں دی مارکیٹس دے تقاضیں موجب لائحہ عمل بݨاوݨ تے ٻاہرلے ملک ملازمت ݙیوݨ آلی نقلی تے لائسنس دے بغیر کمپنیاں دے خلاف اقدامات چاوݨ دی ہدایت کیتی۔وزیراعظم کوں ݙسایا ڳئے جو وختی نینگراں سانڳے وزیراعظم ڈیجیٹل یوتھ ہب دے ناں توں ھک پلیٹ فارم بݨایا ویندا پئے جیں توں نینگراں کوں ملازمتاں تے ٻئی خدمات دے حوالے نال معلومات ݙتیاں ویسن ۔ وزیراعظم ڈیجیٹل یوتھ حب کوں عوام سانڳے سوکھا بݨاوݨ سانڳے انگریزی دے نال نال سارے مقامی زباناں اچ وی متعارف کراوݨ دی وی ہدایت کیتی۔ اجلاس اچ وزیراعظم کوں پرائم منسٹر یوتھ ایمپلائمنٹ پلان، افر??دی قوت کوں بین الاقوامی مارکیٹ اچ درکار صلاحیتاں نال آراستہ کرݨ سانڳے اقدام??ت تے ٻئے منصوبیں دی پیشرفت دا ݙسایا ڳئے ۔ اجلاس اچ وفاقی وزیر اقتص??دی امور احد خان چیمہ، چیئرمین پرائم منسٹر یوتھ پروگرام رانا مشہود احمد خان، وزیر مملکت آئی ٹی شزہ فاطمہ خواجہ اتے متعلقہ اداریں دے اعلیٰ افسر شریک ہن۔
.jpg)
