اسلام آباد۔ 21 اگست(اے پی پی)وزیراعظم محمد شہباز شریف ملکی ذخیریاں پاروں درآمدی گیساں تے انحصار ڳھٹ تھیوݨ نال زرمبادلہ دی بچت دی تعریف کریندے آکھیے جو قیمتی قدرتی وسائل معاشی مسئلیاں دے حل اچ اہم کردار ادا کر سڳدن۔ اے ڳالھ انہاں وفاقی وزیر سائنس و ٹیکنالوجی نوابزادہ خالد حسن مگسی نال وزیراعظم ہاؤس اچ ملݨ ویلھے آکھی۔ وفاقی وزیر سائنس و ٹیکنالوجی نوابزادہ خالد حسن مگسی وزیراعظم کوں جھل مگسی گیس فلڈر منصوبے تے بریفنگ ݙتی۔ انہاں ڈسایا جو جھل مگسی گیس فیلڈر منصوبے دے تحت گیس دی قومی ترسیل اچ شمولیت نال درآمدی گیس تے انحصار گھٹ تھیسی اتے سالانہ 298 ملین ڈالر دی بچت تھیسی۔ انہاں وزیراعظم کوں پراجیکٹ دے افتتاح دی دعوت ݙتی جیڑھی انہاں قبول کر ڳھدی۔ وزیراعظم آکھیا جو پاکستان اچ موجود قیمتی قدرتی وسائل ملکی معاشی مسئلیاں دے حل اچ اہم کردار ادا کر سڳدن، ملکی ذخیریاں دی بدولت درآمدی گیس تے انحصار گھٹ تھیوݨ نال زرمبادلہ دی بچت تعریف دے لائق اے۔ وزیراعظم آکھیا جو جھل مگسی گیس فیلڈر دی گیس دی قومی ترسیل اچ شمولیت ہک چنڳا قدم اے۔
