جدہ۔25اگست(اے پی پی)نائب وزیراعظم و وزیر خارجہ سینیٹر محمد اسحاق ڈار او آئی سی وزرائے خارجہ دے 21 ویں غیر معمولی اجلاس دے موقع تے صومالیہ دے وزیر خارجہ عبدالسلام عابد علی نال ملین۔ نائب وزیراعظم و وزیر خارجہ سماجی رابطیاں دی ویب سائٹ ایکس تے آپݨے سنیہے اچ ݙسایا جو ملاقات اچ ݙوہیں رہنماواں غزہ دی صورتحال تے ڳالھ مہاڑ کیتی۔ اسرائیلی جارحیت اتے ایندے نال سامݨے آوݨ آلے قحط اتے انسانی بحران دی شدید مذمت کیتی اتے زور ݙتا جو انسانی امداد کوں بغیر کہیں رکاوٹ دے یقینی بݨایا ونڄے۔ ݙوہیں رہنماواں تجارت، اقتصادی تعلقات اتے عوامی رابطیاں دے ودھارے دے ذریعے بھراویں تعاون کوں ٻیا تکڑا بݨاوݨ دا وی آکھیا۔ نائب وزیراعظم و وزیر خارجہ محمد اسحاق ڈار حالیہ سیلاب اچ پاکستان نال صومالیہ دی یکجہتی تے انہاں دا شکریہ وی ادا کیتا۔
