اسلام آباد۔7اگست (اے پی پی) وفاقی وزیر منصوبہ بندی، ترقی، اصلاحات و خصوصی اقدامات پروفیسر احسن اقبال آکھیے جو حکومت موسمیاتی تبدیلی دے ودھدے خطرےنال مؤثر طریقے نال نِبڑݨ کیتے ہک جامع اتے بھرپور حکمت عملی تے عمل کریندی پئی اے ۔ او ڈیزاسٹر رسک فنانسنگ سیمینار توں خطاب کریندے پئے ہن جی?? دا مقصد ماحولیاتی خطرے دے خلاف مالی تحفظ، گرین فنانسنگ اتے حکومتی اقدامات کوں س??مݨے گھن آوݨ ہئی۔ وفاقی وزیر منصوبہ بندی آکھیا جو حکومت “اُڑان پاکستان” دے عنوان نال ہک جامع پروگرام متعارف کرائے جیڑھا ماحولیاتی موافقت، گرین فنانسنگ اتے ڈیجیٹل رسک ماڈلنگ دے ذریعے ملک کوں قدرتی آفتاں دے خطرے توں محفوظ بݨاوݨ اچ اہم کردار ادا کریسی۔ انہاں آکھیا جو “ڈیزاسٹر رسک فنانسنگ کوں ہک گیم چینجر قرار ݙیندیں ایں کوں صرف مالی وسائل تئیں محدود نہ رکھیا ونڄے بلکہ اے درحقیقت ہک ”قومی انشورنس پالیسی اے جیڑھا قدرتی آفتاں جیویں جو چھل، زلزلے، گلیشیئرز دے پھٹݨ ??تے ٻئے ماحولیاتی خطرات دے خلاف ملک کوں محفوظ بݨیندی اے۔ احسن اقبال آکھیا جو ”اُڑان پاکستان” پروگرام دے تحت ڈیزاسٹر رسک فنانسنگ نہ صرف برآمدات اتے پیداواری شعبیں کوں تعطل توں محفوظ بݨیندی اے بلکہ ای-پاکستان وژن کوں وی تقویت ݙیندی اے جتھاں ڈیٹا تے مبنی فیصلے، ڈیجیٹل ماڈلنگ اتے جدید ٹیکنالوجی دی مدد نال ماحولیاتی خطرات دا ویلھے توں پہلے اندازہ لا تے بچݨ دیاں تدبیراں کیتیاں ونڄ سڳن۔ انہاں مزید آکھیا جو اساکوں ردِ عمل تے مبنی حکمت عملی توں نکل تے تیاری، استقامت اتے پائیداری دی طرف ونڄݨا ہوسی، جے اساں ویلھے تے فیصلے کیتے اتے خطرےدا اندازہ لا تے اڳوں اقدامات کروں تاں پاکستان کوں ماحولیاتی تباہ کاریاں توں بچایا ونڄ سڳدے۔ وفاقی وزیر آکھیا جو “پاکستان گزریل ݙو ??ھا??ے اچ ماحولیاتی آفتاں پاروں شدید معاشی ضیان برداشت کر چکیوں ۔ خاص طور تے 2010، 2011، 2020 اتے 2022 دی تباہ کن چھل معیشت، زراعت، انفراسٹرکچر اتے عوامی زندگی کوں غیر معمولی ضیان پڄایا۔ انہاں آکھیا جو ایں ویلھے وی پاکستان کوں غیر متوقع ساوݨ مینھ تے گلیشیئر جھیلاں دے پھٹݨ ??یھے شدید خطرے دا سامݨا اے جنہاں نال نِبڑݨ کیتے ماحولیاتی فہم، جدید ڈیٹا، مالیاتی تحفظ اتے بین الاقوامی تعاون دی تکھے لوڑھ اے۔ احسن اقبال آکھیا جوحکومت نہ صرف بنیادی ڈھانچے کوں مضبوط بݨیندی پئی اے بلکہ ماحولیاتی خطرے توں محفوظ مستقبل کیتے قومی و بین الاقوامی شراکت داری کوں وی ودھارا ݙیندی پئی اے۔ انہاں س??رے متعلقہ اداریں، پالیسی سازاں، نجی شعبے، ماہرین اتے نویں نسل کوں دعوت ݙتی جو او ملک کوں ماحولیاتی طور تے تکڑا بݨاوݨ دے ایں قومی مشن اچ حکومت دا ساتھ ݙیون۔
