اسلام آباد20ستمبر(اے پی پی) وفاقی وزیر صحت سید مصطفیٰ کمال ایچ پی وی ویکسین دے حوالے نال منفی پروپیگنڈا کوں مؤثر طریقے نال رد کریندے اپݨی نکی دھی کوں ایچ پی وی ویکسین لوا تے نہ صرف قوم کوں یقین ݙیوائے بلکہ ہک واضح پیغام ݙتا جو اے ویکسین بالکل محفوظ اے تے ایں متعلق کھنڈائیاں ون٘ڄݨ آلیاں افواہ??ں بے بنیاد ہن۔ وزیر صحت ہک خصوصی تقریب دے دوران میڈیا دے سامݨے ویکسینیشن دے عمل دا مشاہدہ کرایا۔ ایں موقع تے انہاں آکھیا جے اے ویکسین نقصان دہ ہوندی تاں کیا اساں ایکوں اپݨے ہی ٻالاں کوں لواؤں ہا؟ اساں صرف عوام توں توقع نی رکھیندے، بلکہ خود وی ایں مہم وچ سَبّھ توں اڳوں ہیسے۔ سید مصطفیٰ کمال آکھیا جو ایچ پی وی ویکسین دنیا دے 125 کنوں ودھ ملکاں وچ استعمال تھیندی پئی اے تے ایندے مثبت نتیجے سامݨے آچُکن۔ پاکستان وچ وی اساں چاہندوں جو اساݙیاں دھیاں مستقبل وچ مہلک بیماریاں کنوں محفوظ رہن۔ انہاں مزید آکھیا جو حکومت عوام دی صحت متعلق کہیں وی اقدام کوں سیاسی یا مذہبی رنگ ݙیوݨ دی شدید مذمت کریندی اے۔ انہاں میڈیا، وال??ین?? اساتذہ تے عل??ا کنوں اپیل کیتی جو او اڳوں تے ٹُر تے سچائی کوں عام کرن تے معاشرے کوں افواہیں کنوں پاک ک??ن۔ ماہرین صحت، عالمی ??دارہ صحت تے اقوام متحدہ دے ذیلی ادارے یونیسف واضح طور تے ایں ویکسین کوں محفوظ تے ضروری قرار ݙتے۔
