اسلام آباد۔8اکتوبر (اے پی پی) صدرمملکت آصف علی زرداری ضلع اورکزئی اچ بہادرانہ کارروائی تے سکیورٹی فورسز کوں خراج تحسین پیش کریندیں ہوئیں بھارتی حمایت یافتہ فتنہ خوارج دے 19 دہشت گرداں دے خاتمے تے اطمینان دا اظہار کیتے۔ بُدھ کوں ایوان صدر دے پریس ونگ توں جاری بیان موجب صدر مملکت آکھیا جو بہادر سپوتاں وطن دے دفاع اچ آپݨی جاناں دا نذرانہ ݙے تے لازوال مثال قائم کیتی اے۔ انہاں لیفٹیننٹ کرنل جنید طارق شہید، میجر طیب راحت اتے ٻئے شہداء کوں قوم دے ہیرو قرار ݙیندیں ہوئیں شہداء دے گھر آلیاں نال دلوں ہمدردی دا اظہار کیتا اتے انہاں دے صبر و حوصلے کیتے دعا کیتی۔ صدر مملکت آکھیا جو شہداء دی قربانیاں قوم دے عزم اتے اتحاد دی علامت ہن۔ انہاں پاکستان دی سرزمین توں بھارتی حمایت یافتہ دہشت گردی دے مکمل خاتمے دا عزم ݙو واری آکھیا اتے آکھیا جو پوری قوم آپݨیاں مسلح فوجاں دے نال سیسہ پلائی کندھ بݨ تے کھڑی اے۔
