اسلام آباد۔25ستمبر (اے پی پی) چیئرپرسن بینظیر انکم سپورٹ پروگرام بی آئی ایس پی سینیٹر روبینہ خالد بی آئی ایس پی دے آفیشل فیس بک اکاؤنٹ تے لائیو ای-کچہری سیشن دا انعقاد کیتا۔ ہک گھنٹے توں ودھ جاری رہݨ آلے ایں سیشن اچ پورے ملک توں 32 کالرز آپݨے مسئلے چیئرپرسن تئیں پڄائے۔ جاری پریس ریلیز موجب ای-کچہری دے دوران مظفرگڑھ نال تعلق رکھݨ آلے ہک مستحق گھراݨے شکایت کیتی جو انہاں دا مسئلہ کئی مہینے توں حل طلب اے اتے متعلقہ حکام ولوں کوئی خاص کارروائی نی کیتی ڳئی۔ چیئرپرسن روبینہ خالد ایں شکایت تے ٻہوں سختی نال نوٹس گھندے متعلقہ افسر کوں ہدایت کیتی جو او ذاتی طور تے مظفرگڑھ ونڄن، متاثرہ خاندان نال ملاقات کرن ا??ے انہاں دے مسئلے دا موقع تے حل کرن۔ چیئرپرسن واضح کیتا جو مستحق گھراݨیں دیاں شکایتاں کوں نظرانداز کرݨ دی کوئی گنجائش کائنی اتے بی آئی ایس پی دے افسراں دی پہلی ذمے واری اے جو او عوامی مسئلیں دا وقتی حل یقینی بݨاون۔ روبینہ خالد آکھیا جو ای-کچہری دا مقصد ہی اے ہے جو عوام دی آواز سدھی سݨی ونڄے اتے فوری ایکشن ڳھدا ونڄے۔ انہاں افسراں کوں ہدایت کیتی جو ایجھے کہیں وی واقعے دی صورت اچ سخت کارروائی کیتی ویسی۔ انہاں آکھیا جو صرف 8171 توں ملݨ آلے میسج ہی اصل اتے قابل ??عت??ار ہن، ٻئے نمبر توں آوݨ آلے سارے سنھیے نقلی ہن۔ بی آئی ایس پی سروے اتے رجسٹریشن پورے طور تے مفت ہن ا??ے کہیں وی طرح دی فیس یا فارم دا مطالبہ سدھا فراڈ اے۔ سروے دے دوران قومی شناختی کارڈ، نیاݨیاں دے ب فارم، بجلی دا ٻل اتے نیاݨیاں دا ویکسینیشن ریکارڈ نال رکھݨ ضروری اے۔ انہاں آکھیا جو ہمیشہ اوہو موبائل نمبر رجسٹر کراؤ جیڑھا تہاݙے استعمال اچ ہووے اتے نمبر دی تبدیلی دی صورت اچ بی آئی ایس پی کوں اطلاع ݙیو۔ ہک واری سروے دے بعد گھٹ توں گھٹ ݙو سال تئیں سروے ممکن کائنی ہوندا۔ چیئرپرسن مستحق تریمتاں کوں تاکید کیتی جو آپݨی رقم پوری ڳݨ تے وصول کرن ا??ے جے کہیں وی طرح دی کٹوتی یا شکایت دا سامݨا ہووے تاں ہیلپ لائن 080026477 تے کال کرن یا نیڑے دے بی آئی ایس پی دفتر نال رابطہ کرن۔ ای-کچہری دے چھیکڑ تے چیئرپرسن روبینہ خالد حکام کوں سختی نال ہدایت ݙتی جو مظفرگڑھ دے کیس سودھے ساریاں شکایتاں تے وقتی عملدرآمد یقینی بݨایا ونڄے اتے ایں دی رپورٹ سدھی انہاں کوں پیش کیتی ونڄے۔ انہاں آکھیا جو بی آئی ایس پی عوام دی بھلائی اتے بہتری کیتے کم کریندا پئے اتے کہیں وی سطح تے لاپرواہی برداشت نہ کیتی ویسی۔
.jpg)
