نیویارک۔ 27 ستمبر (اے پی پی) وزیراعظم محمد شہباز شریف آکھیے جو جو ملائیشیا پاکستان دا ہر مصیبت اچ ساتھ ݙتا جیڑھا جو پاکستان قدر دی نگاہ نال ݙیکھدے ۔ پاک-ملائیشیا تجارت دے حوالے نال بے پناہ استعداد موجود اے جیں کنوں بھرپور فیدہ چاوݨ کیتے اقدامات کیتے ویندن پئن۔ پاکستانی بیف دی ملائیشیا اچ برآمد کیتے متعلقہ ادارے قابل عمل تے ٹھوس منصوبہ بندی تشکیل ݙیون۔ وزیراعظم دفتر دے میڈیا ونگ توں جاری بیان موجب وزیراعظم محمد شہباز شریف ہفتے دے ݙینھ نیویارک توں ویڈیو لنک دے ذریعے پاکستان تے ملائیشیا وچال تجارت دے ودھارے دے حوالے نال اجلاس دی صدارت کیتی۔ اجلاس دے دوران ڳالھ مہاڑ کریندے وزیراعظم آکھیا پاکستان تے ملائیشیا وچال پراݨے برادرانہ تعلقات ہن جیڑھے ݙہاکیں تے محیط ہن۔ ملائیشیا پاکستان دا ہر مصیبت اچ ساتھ ݙتا جیڑھا جو پاکستان قدر دی نگاہ نال ݙیہدے۔ اجلاس اچ پاکستان تے ملائیشیا وچال تجارتی تعلقات دا تفصیلی جائزہ ڳھدا ڳیا۔ ایں موقع تے وزیراعظم کوں ملائیشیا اچ پاکستانی برآمدی استعداد دے حوالے نال تفصیلی بریفنگ ݙتی ڳئی۔ وزیراعظم دوران اجلاس ملائیشیا پاکستان تجارت بالخصوص پاکستانی بیف دی ملائیشیا برآمد دے حوالے نال ٹھوس لائحہ عمل بݨا تے پیش کرݨ دی ہدایت کیتی۔
