اسلام آباد۔ یکم اکتوبر(اے پ?? پی) وفاقی وزیرمنصوبہ بندی، ترقی، اصلاحات و خصوصی اقدامات پروفیسر احسن اقبال حکومت پاکستان تے پاکستانی عوام دی طرفوں عوامی جمہوریہ چین دی قیادت تے عوام کوں چین دے قومی ݙینھ دے موقع تے مبارخ ݙتی اے ۔ بیان وچ وفاقی وزیر آکھیا جو اے ݙی??ھ چین دے اتحاد، استقامت تے ترقی دے اوں شاندار سفر دی علامت اے جیڑھے چین کوں دنیا وچ ترقی تے استحکام دا مینار بݨا ݙتے۔ انہاں آکھیا جو پاکستان کوں ماݨ اے جو او چین دا پکا بھرا تے ہر حال دا اسٹریٹجک شراکت دار اے، اساݙی دوستی اعتماد تے مشترکہ خواباں تے مبنی اے جیڑھی ہر گزردے ݙینھ دے نال مزید تکڑی تھیندی پئی اے۔ احسن اقبال آکھیا جو جݙاں اساں سی پیک فیز 2 تے بیلٹ اینڈ روڈ انیشی ایٹو دے تحت سانجھے تعاون کوں مزید اڳوں تے ودھیندے پ??وں تاں اساں ہک مشترکہ خوشحال مستقبل دے عزم کوں دہرائے۔ انہاں چین دی مزید ترقی تے پاکستان تے چین دی دوستی ہمیشہ قائم رہݨ دی دعا وی کیتی۔
