اسلام آباد۔2اکتوبر(اے پی پی) وزیراعظم محمد شہباز شریف غزہ ویندے “گلوبل صمود فلوٹیلا” وچ پاکستانی شہریاں دی باوقار شرکت دی تعریف کریندے انہاں دی واپسی دا مطالبہ کیتے۔ ایکس تے اپݨے پیغام وچ وزیر اعظم آکھئے جو مشتاق احمد خان، مظہر سعید شاہ، وہاج احمد، ڈاکٹر اسامہ ریاض، اسماعیل خان، سید عزیز نظامی تے فہد اشتیاق سودھے ݙوجھے پاکستانیاں انسانی ہمدردی دے اصولاں دے عین موجب ایں عظیم امدادی مشن وچ حصہ ڳھدے۔ اے اقدام پاکستانی عوام دی امن پسند امنگاں، انصاف کیتے جدوجہد تے ضرورت منداں دی مدد دے جذبے دی نمائندگی کریندے۔ انہاں آکھئے جو حکومت پاکستان انسانی جان دے احترام، محفوظ رسائی تے بلا رکاوٹ امداد دے اصولاں دی حمایت کریندی اے تے اپݨے شہریاں دی واپسی دا بھرپور مطالبہ کریندی اے تے انہاں دی سلامتی، وقار تے وقتی وطن واپسی کیتے دعا گو تے کوشش کریندی پئی اے۔
